Vlorë, zbulohen dhe asgjësohen 10 parcela me 600 rrënjë kanabis

Postuar në 16 Korrik, 2014 04:53

Policia e Vlorës, në kuadër të planit operacional “Antikanabis” gjatë kontrollit të ushtruar në dy fshatra të ndryshme, ka mundur të zbulojë dhe asgjësojë 600 rrënjë bimë narkotike kanabis sativa.

Kështu në fshatin Treblovë të Komunës Armen, në vendin e quajtur “Përroi i Lamajve” janë gjetur të kultivuara në 3 parcela të ndryshme 250 rrënjë bimë narkotike me gjatësi 80-100 cm.
 
Ndërsa në fshatin Mazhar të Komunës Kotë, në vendin e quajtur “Hija e madhe”, “Gropa e Xhake” dhe “Driza e Vreshtës”  janë konstatuar 7 parcela të ndryshme 350  rrëjnë bime narkotike me lartësi nga 1 m – 1.8 m.
 
Materialet procedurale i kanë kaluar Prokurorisë për procedime të mëtejshme penale, ndërsa policia po punon për identifikimin dhe kapjen e autorëve përgjegjës për kultivimin e bimëve narkotike.

Ky aksion i policisë, vjen në një kohë kur në zona të ndryshme të territorit janë ushtruar kontrolle dhe janë asgjësuar sasi të konsiderueshme bimë kanabis sativa, si rezultat i masave të marra nga policia për parandalimin e kultivimit të lëndëve narkotike.  

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.