Gjirokastër, arrestohen 2 persona të cilët morën peng e dhunuan 38-vjeçarin

Policia e Gjirokastrës ka arrestuar dy persona nën akuzën e pengmarrjes. Uniformat blu të qytetit të gurtë kanë arrestuar në flagrancë Vladimir Kore pasi ka marrë me dhunë shtetasin  V.S, 38 vjeç për motive të dobëta dhe e ka çuar në stanin e tij duke e keqtrajtuar me mjete të ndryshme ku i ka shkaktuar plag të ndryshme në trup.

Gjatë kontrollit në stan iu gjet një armë gjahu pa leje.  Arrestimi i tij është bërë për veprën penale torturës, heqje e paligjshme e lirisë dhe armëmbajtje pa leje. Gjithashtu është arrestuar dhe S. Teleku, për përkrahje të autorit të krimit, pasi ky shtetas kur ka shkuar policia për kontroll në stan ka tentuar të fsheh çiften.