Tiranë, pranga 6 personave kur po ndërtonin një objekt pa leje

Efektivët e Kryeqytetit kanë shoqëruar në polici 6 persona të cilët ishin duke punuar për ndërtimin e një shtese pallati në katin e parë në kryeqytet, por që nuk ishte i pajisur me lejen e nevojshme.

Policia pas verifikimit se shtesa po ndërtohej pa leje, ka shoqëruar në ambientet e komisariatit numër 2 Të 6 personat që ishin duke punuar.  

Duke u nisur nga rasti i sotëm policia u bën thirrje qytetarëve, të mos abuzojnë dhe të mos punojnë në objekte që nuk janë të pajisur me leje ndërtimi apo shtese në mënyrë që të mos përfundojnë në burg.