Riviera shqiptare viktimë e suksesit të vet

Revista online “Monsters and Critics” ka botuar sot një artikull me këtë titull, në të cilin analizohet Riviera shqiptare nga këndvështrimi i turistëve të huaj që mund të jenë tërhequr drejt saj prej klasifikimit që i bëri “Lonely Planet” Shqipërisë si një nga destinaciaonet turistike që duhej vizituar në 2011-ën. “Nuk ka fshatra peshkatarësh apo plazhe të vegjël të izoluar, siç mund të imagjinohej – ka vetëm hotele e vila betoni të ndërtuara mu në breg të detit” – thotë një çift të rinjsh gjermanë për revistën. Pasi u zhgënjyen nga bregdeti, ata vendosën t’u ngjiteshin maleve përreth.

Si rezultat i bumit të turistëve shqiptarë të vendeve fqinjë, thekson artikulli, tani çdo centimetër plazhi nga Vlora deri në Sarandë është zënë me godina betoni dhe betonieret vazhdojnë të prodhojnë papushim lëndë të parë për të tjera godina. Aty-këtu mund të gjendet ndonjë shtëpi e vjetër tradicionale, që tërheq vëmendjen e turistëve perëndimorë, por ato janë vetëm ishuj të vegjël në detin e betonit.

E.Z.