Loja e-ka-kush-e-ka për reformën zgjedhore vazhdon

Në debatin që po zhvillohet sot në Kuvendin e Shqipërisë ka vazhduar loja e-ka-kush-e-ka  mes pakicës dhe shumicës parlamentare. “Bëni rikompozimin e KQZ, sipas rekomandimeve të ODIHR. Ne që sot, pikërisht në këtë datë që na e kanë shënuar ndërkombëtarët po punojmë kundra vetes, duke mos votuar reformën zgjedhore, sepse Berisha bën sikur harron. Axhenda e ditës së sotme të mos preket. Të fitojmë kohën e humbur për të plotësuar kërkesën dashamirësë të partnerëve. Axhenda të jetë ajo që kemi miratuar”, tha Kryetari i Grupit Parlamentar të PS, Gramoz Ruçi. Dhe ja përgjigja e homologut të tij Astrit Patozi: “Mazhoranca ka votat për presidentin e vetme, por s’ka votat për reformën zgjedhore e vetme. PS s’ ka votat për presidentin, por ka votat për ta bllokuar reformën. Ja pse kemi ngecur, sepse PS do bllokimin pasi nuk ka presidentin. Unë ju bëj një sfidë: Hajde të caktojmë një orë për t’i miratuar të gjitha në komision. Por, ju nuk e doni këtë se ju kanë zënë ethet e zgjedhjes së presidentit.”

Po çfarë ofron për miratim PD-ja? Një reformë zgjerdhore ku nuk ndryshon formula e kompozimit të KQZ-së (“Çdo gjë unë mund t’ua jap, por komisionin (KQZ-në) unë nuk ua jap dot,” deklaroi Berisha) dhe ku nuk i jepet mundësia dy anëtarëve të KQZ-së të sanksionojnë hapjen e kutive zgjedhore në KQZ, për të bërë transaparencën e procesit. Me pak fjalë, një reformë zgjedhore që nuk adreson prëplasjen më të madhe mes pakicës dhe shumicës parlamentare në 3 vjetët e fundit. Deri para dy javësh dukej se palët do të arrinin një konsensus për ndryshime të kodit zgjedhor, që shkonin përtej ndërhyrjeve kozmetike. Pas takimit Rama-Meta gjërat ndryshuan. Ndoshta prej tij…

E.Zaloshnja