Historia e tmerrshme e gruas që e përdhunoi bashkëshorti në gjumë për më shumë se 300 herë duke e xhiruar

Një grua ka folur për tmerrin që ka përjetuar kur zbuloi se bashkëshorti i saj, personi që supozohej të kalonte jetën me të e t’i qëndronte pranë në të mire e në të keq, e ka përdhunuar për më shumë se 300 herë gjatë kohës kur ajo po flinte, dhe jo vetëm. Këto abuzime fizike ai i ka xhiruar, për t`i ruajtur më pas në kompjuterin e tij. Sarah Tetly pohon se kaloi në gjendje depresive kur pa se si ishte realiteti i trishtueshëm përreth saj.

HISTORIA E ÇIFTIT

26-vjeçarja mendoi se kishte marrëdhënien perfekte, ate historinë që lexojmë shpesh në përralla, në momentin që takoi Charlie Tetly në një club nate, kur ishte vetëm 18-vjeç. Pavarësisht se ai ishte 8 vite më i madh se ajo, ata nisën një romance. Në 2009 ata krijuan një familje, sepse Sarah mësoi lajmin e gëzueshëm që do të bëhej nënë, e së shpejti do të mirëpriste në botë së bashku me bashkëshortin, vajzën e tyre e cila tani është katër vjeç. Por me kalimin e kohës sjellja e Charlit ndryshoi, ai u bë cdo ditë e më shumë ‘kontrrolluesi’ i saj, madje arriti në atë pikë saqë t`i tregonte Sarah se ku të qëndronte e ku jo, apo si të sillej me vajzën e tyre.

Pavarësisht reagimeve aspak të hijshme të të dashurit të saj, Sarah i tha ‘PO’, propozimit të tij për martesë, me shpresë se gjithçka do të ndryshonte kur ata të ishin burrë e grua. Kështu që në 2011 ata kurorëzuan dashurinë e tyre pranë miqve dhe familjarëve, në një kishë pranë vendit ku banonin. Por përsëri fati i mirë dhe dashuria që Charlie kishte ndjerë dikur ndaj saj nuk ishte në krahun e Sarah (ai sa vinte dhe distancohej më shumë prej nënës së vajzës së tij.)

Gjërat u bënë edhe më të tensionuara kur ai ndalonte bashkëshorten që të përdorte kompjuterin e tij. Pas gjithë këtyre reagimeve aspak normale, Sarah mendonte se Charlie kishte një tjetër, dhe e tradhëtonte, por e vërteta ishte edhe më keq. Ai e përdhunonte bashkëshorten gjatë gjithë mbrëmjes dhe këto momente i kishte rregjistruar, bëhet fjalë për më shumë se 300 video që ndodheshin në kompjuterin e Charliet. Dhe më e keqja , shpesh ai përdorte sende të shtëpisë, për të ngacmuar seksualisht Sarah. Kjo e fundit zbuloi gjithçka kur u zgjua një mëngjes, dhe gjeti bashkëshortin duke abuzuar seksualisht me të.

Këtë Sarah ja tregoi një fqinje të besuar, e cila menjëherë i sugjeroi t`i drejtohej policisë. Pasi dha gjithë detajet e nevojshme policia i konfiskoi Charlie kompjuterin e tij, ku u zbuluan dhe 300 videot absurde që ndodheshin atje. Ata i kërkuan viktimës 26-vjeçare të bënte analizat e duhura, sepse ngjante si e droguar, por testet rezultuan negative. Tani Charlie ndodhet pas hekurave ku është dënuar me 12 vjet, ndërsa Sarah po merr veten, pas fazes depresive nëpër të cilën kaloi.