Reforma zgjedhore pret Oerdin, por ky shoqëron k/ministrin në Chicago (!!!)

Reforma zgjedhore ka ngecur për një arsye banale. Përfaqësuesi i PS-së, Damian Gjiknuri, nuk ka se me kë të negocjojë, pasi alter egoja e tij, Oerd Bylykbashi, ndodhet në Chicago, tok me shefin. Është pak e çuditshme kjo zgjedhje e Berishës për të marrë me vete në summit-in e NATO-s pikërisht atë që duhej në Shqipëri, e që në Chicago nuk lipset për asgjë. Vërtet, pse duhet të jetë se s’bën në një takim të NATO-s këshilltari i kryeministrit, në një kohë që po ky (kaq i zoti të jetë vallë?) është dhe kryenegociatori për reformën zgjedhore?

Reforma mbetet sërish e pambyllur edhe me afatine shtyrë. Dy ditë kanë mbetur deri më 24 maj. “S’ka komunikim”, thotë Gjiknuri, ndërkohë që bën me dije, se “socialistët janë tërhequr nga dy kërkesa të tyre, nga numërimi elektronik (ish dhe presioni i ODIHR-it që u ka kthyer mendjen), dhe nga kontrolli elektronik i kartave të identitetit. Tanimë kanë vetëm dy kërkesa, nga të cilat është e zorshme të heqin dorë: rikompozimi i KQZ-së, dhe e drejta e palëve për të rihetuar kutitë e numëruara, sa herë që ka dyshime për probleme e manipulime.

Re.Pu.