Rama: Kundërshtari Meta po luan rol pozitiv

Kreu i PS-së ka shpjeguar edhe një herë marrëdhënien e tij me Ilir Metën duke e vlerësuar si një kundërshtar që po luan një rol pozitiv në këto momente. I pyetur për Metën gjatë intervistës në emisionin “AShoë”, Rama në fillim kujdeset të tregojë se vërtetë ka një lloj afrimi këto javë midis tyre, por ka një “por” dhe vijon: Unë besoj se është shumë e rëndësishme që publiku ta ketë të qartë një gjë; Ilir Meta është pjesë e qeverisë, është një nga palët e një koalicioni me të cilin ne jemi ballë për ballë. Asnjë iluzion për këtë.

Më pas fillon lëvdata, kur Rama e konsideron Metën të rëndësishëm për rolin që po luan;..e dyta, në kushtet e sotme, kur ne prej kohësh kërkojmë që të hapet një proces, e vërteta është që Kryetari i LSI-së po luan një rol. Dhe më lejoni t’iu them që unë e çmoj rolin që ai po luan në këto momente. Është një nga kundërshtarët tanë, por nuk kemi pse të mos çmojmë kundërshtarin kur ai luan një rol pozitiv.

Re.Pu.