Presidenti vijon të shpjegohet mbi situatën e tij shëndetësore

Presidenti i sapo zgjedhur përpiqet të hedhë dritë ca më shumë mbi gjendjen e tij shëndetësore. E bën në një intervistë me Mira Kazhanin e shqiptares.com. Ja ç’thotë ai fjalë pëer fjalë:

“Qytetarët shqiptarë kanë të drejtën legjitime që të kenë një president të shëndetshëm. Sigurisht që ka një problem shëndetësor që nuk është më i brendshëm por më shumë një cështje estetike e jashtme. Në vitin 2008 jam përballur me një problem, të cilin e mësova nga mjekët në Finlandë që ishte i lindur por që me kohën dy vena në kokë që ishin të ngjitura në një moment krijuan një ngërc të qarkullimit të gjakut. Ka qënë një operacion i shkurtër, por shumë delikat që u përmbyll me sukses. Sa për pasojat fizike, siç e shihni, është një ngadalësim në lëvizje të këmbës së majtë dhe krahut të majtë; [por] ato janë të përkohshme.”

Ngaqë ndjen se kaq nuk mjafton, vijon: “Megjithatë dua të ftoj gazetarët që janë skeptikë që të kontaktojnë njeriun e duhur për të pyetur për presidentin që është ish-pacienti i doktor Mentor Petrelës.” “Unë e ftoj publikisht doktor Petrelën që të japë gjithë informacionin rreth sëmundjes që kam patur unë”, thotë ai në fund, duke hapur një shteg për një transparencë më të madhe, por aty për aty duket sikur e mbyll të njëjtin shteg. Thotë: “edhe pse urdhri i mjekut mund të mos lejojë publikimin e dosjes”.

Re.Pu.