Parlamenti shqiptar zbulon “Hitlerin e ri”. Më saktë Berisha cilëson kështu Vladimir Putinin e Rusisë. Deputetët i mbajnë iso

Sot Parlamenti shqiptar ka mbajtur një minutë heshtje për viktimat e masakrës së Srebrenicës. Propozimi ka ardhur nga ish-kryeministri Sali Berisha, i cili në fjalën e tij kujtoi këtë ngjarje. Më tej Berisha, që ka qenë edhe president i Shqipërisë, foli për votën e Rusisë kundër rezolutës së propozuar në OKB nga ShBA, e cila cilësonte Srebrenicën genocid. Nuk dihet për ç’arsye Berisha e ka quajtur Vladimir Putinin, presidentin e Rusisë, “Hitleri i ri”. Para disa vitesh kështu quajti Berisha edhe presidentin e Iranit, Ahmedinexhad, një vend me të cilin Shqipëria ka marrëdhënie diplomatike. Por asokohe kur Berisha ishte kryeministër, Irani nuk ia dha kënaqësinë e një note proteste, që do të shitej mirë në sytë e amerikanëve. Nga ana tjetër, Rusia është një vend anëtar i përhershëm i Këshillit të Sigurimit dhe ngjan disi e pakujdesshme të bësh etiketime të tilla. Por ndoshta ish-kryeministri i ka deklarata të tilla si statuse Facebook-u. Kështu që me siguri nuk do t’ja vënë re edhe kësaj radhe.
s.z