Arvizu: Pse s’u ndodha kur u zgjodh Nishani? Kisha punë të tjera për të bërë

Ambasadori amerikan shpjegon faktin pse mungoi në raundin e katërt të votimit për postin e Presidentit. Ai mori pjesë në raundet e para, në të cilat nuk u paraqit asnjë kandidat presidencial e rrjedhimisht nuk pati asnëj votim (“ishin raunde, ku ka pasur një mundësi për konsensus, e prandaj unë e ndjeva se mund të përfaqësohem në nivelin tim”, ka thënë për gazetarët e programit Wake Up), ndërsa në raundin e katërt, ku të gjithë e morën vesh se do të votohej një kandidat, kamerat televizive e kërkuan e nuk e gjetën portretin e tij në lozhat e sallës së Kuvendit. Shpjegimi: “Nuk ishte rasti.. dhe nuk kisha pse të ndryshoja axhendën time të punës, që ishte shumë e rëndësishme dhe vendosa që të përfaqësohesha me sekretaren e sektorit politik të ambasadës”. Mirëpo pak më poshtë shprehet se “procesin e ndoqi në TV”, gjë që do të thotë se nuk ka pasur ndonjë axhendë tjetër, veç asaj presidenciale.

“Momenti presidencial ishte një shans i humbur” – ky ishte mesazhi që atij ia kish ënda ta nënvizonte në programin Wake Up.

E.G.