“Në kombëtaren italiane gjenden tre lojtarë gay”. Dhe plas debati

Konfuzion në kombëtaren italiane, por s’ka të bëjë me futbollin. Gjithçka ka startuar me një deklaratë të një gazetari gay, Alessandro Cecchi Paone. “Tre lojtarë të kombëtares sonë janë gay”, ka thënë ai. Gazetarët italianë që kanë shkuar në Poloni e Ukrainë të raportojnë mbi ndeshjet e Europianit kanë pyetur me këtë rast Cassano-n. Ky i fundit doli sot në një konferencë për shtypin, dhe pyetja kureshtare ishte: kush janë këta të tre? Përgjigja e Cassano-s ishte e papërpunuar dhe e tepër e shkujdesur: “Nëse mes nesh ka bythq…, ky është problemi i tyre, jo i imi”.

Kanë qenë të shumtë ata që kanë reaguar kundër këtij reagimi. Ka reaguar dhe Alessandro Cecchi Paone, showman-i televiziv që e provokoi këtë tollovi dy ditë para ndeshjes Itali-Kroaci. “Do ta ftoj në shtëpinë time Cassanon pas Europianit, dhe do t’ia heq konfuzionin që ka në kokë lidhur me gay-të. Dhe do t’i shpjegoj se s’ka qenë fare elegant në raport me tre shokët e tij të skuadrës me këto fjalë që ka thënë”, ka thënë ai.

Në futboll argumenti i gay-ve është një tabu. Nuk flitet e nuk para bëhen outing-je.

Re.Pu.