Mbyllja e “Alsat”, Carlo Bollino blen licencën e tv-së, grupi “MCN”, aksioner kryesor i “Tema Tv”, blen licencën e radios

Siç është bërë e njohur “Albanian Screen”, i njohur dikur si “Tv Alsat” është mbyllur dhe asetet e të drejtat e tij kanë kaluar për shitje. Bëhet e ditur se licencën televizive të “AS” e ka blerë Carlo Bollino, i cili aktualisht posedon “A1Report” si tv dhe gazetën “Shqiptarja.com”. Licencën radio të “AS” e ka blerë grupi “MCN”, i cili është edhe aksioner kryesor i “Tema Tv”, që ka nisur së fundmi transmetimet. Kështu një nga grupet mediatike më të vjetra në Shqipëri është ndarë mes dy blerësve të rinj, që operojnë aktualisht në tregun mediatik. “AS”, hyri në treg me ambicie të mëdha, por edhe investime teknologjike shumë të mira, ndonëse aktiviteti i tij përmbyllet këtu.