Ilir Meta lë të hapur opsionin e bashkëpunimit politik me PD-në: “Interesi i qytetarëve do të prevalojë në vendimmarrjen e LSI-së”

Kreu i Lëvizjes Socialiste për Integrim, Ilir Meta, ka dhënë një intervistë për gazetarin Aleksandër Furrxhi. Ai ka folur për zhvillimet në vend, reformat, problemet e parlamentit, por edhe për aleancat e mundshme në të ardhmen. Duke komfirmuar se LSI do të vizjojë t’u qëndrojë marrëveshjeve, Meta lë të kuptojë se koalicioni i tanishëm nuk është definitiv dhe nuk e kushtëzon partinë e tij. “Për ne është e rëndësishme që LSI-ja t’i shërbejë vendit, t’i shërbejë vendit në drejtim të qeverisjes, t’i shërbejë vendit si një forcë opozitare e përgjegjshme dhe konstruktive pra në çdo pozicion që qytetarët mendojnë që kjo forcë u shërben atyre. LSI-ja nuk është një forcë që duhet të jetë patjetër në pushtet dhe duhet të jetë patjetër një herë me njërën dhe një herë me tjetrën apo ku di unë. LSI është një forcë që është në funksion të interesit të vendit dhe të qytetarëve shqiptarë...Interesi i qytetarëve do të prevalojë në vendimmarrjen e LSI-së”, tha Meta i pyetur rreth aleancës së mundshme me PD-në.
s.z