Gazeta Express flet për një “parajsë gangsterësh” pas përplasjes mes deputetëve

“Rexhep Selimi i ka folur Latif Gashit për policinë sekrete, apo për diçka të ngjashme. Ky i fundit e ka pyetur: e ke fjalën për policinë tuaj, apo tonën? Pastaj Rexhepi i ka thënë Latifit se “jeni spiunë të të gjithëve”. Kjo e ka nervozuar Latifin, i cili i ka thënë Rexhepit që të ketë kujdes se këto janë akuza të rënda dhe duhen adresuar diku tjetër. Pas kësaj kanë filluar grushtet në mes dy deputetëve”, ky është rrëfimi i një prej dëshmitarëve të përplasjes fizike mes dy deputetëve të Kuvendit të Kosovës.

Më pas, deputetët e Vetvendosjes “janë hakmarrë” ndaj Bekim Haxhiut, ndryshe Kamishit (siç thotë vetë Kamishi). Gazeta Express e Prishtinës bën një raportim  të kësaj ngjarjeje (ndiqni linkun: http://gazetaexpress.com/?cid=1,15,85066), dhe nga ky raportim dalin qartë motivet banale të këtij sherri, pozat prej të forti që marrin deputetët, meraku që secili syresh ka për të treguar se “nuk ka dalë i turpëruar e nëpërkëmbur nga ky sherr”, etj. Shkurt, gazeta Express ka të drejtë kur flet për parajsë të gangsterëve.

Re.Pu.