Prishtinë: Dialektika demokratike futet në binarët e dhunës dhe të grushtave

“Deputeti Selimi ishte duke dhënë një intervistë me gazetarët.  Ishte duke folur për SHIK-un, dhe atypari kalon deputeti Gashi, që i kërkon të mos flasë për këtë institucion. Selimi nuk është sprapsur, dhe ka vijuar të flasë. Dhe menjëherë pas kësaj, ka filluar një përleshje fizike mes të dyve”. Ky është një fragment lajmi i marrë nga agjencitë kosovare të informacionit, të cilat saktësojnë se deputetët, njëri i VV-së dhe tjetri i PDK-së, kanë shkëmbyer grushta me sho-shoqin e janë ndarë falë ndërhyrjes së policisë. Por janë ndarë me shenja gjaku në fytyrë.

Nuk mbaron me kaq. Në të njëjtën kohë, ndoshta 5 minuta më parë apo më pas, janë ballafaquar fizikisht dy deputetë të tjerë, Bekim Haxhiu, alias Kamishi i famshëm, i partisë së Thaçit dhe Flori Krasniqi i partisë së Kurtit. Të dy janë kapur keq në oborrin e Kuvendit. Kamishi është larguar i gjakosur nga vendi i ngjarjes, ndërsa Krasniqi ka mbetur i lënduar në hollin e Kuvendit.

Gjithçka ka ndodhur në prani të shumë vetëve, përfshirë gazetarët.

Re.Pu.