Poshtë Ristanët! Rroftë ambasadori amerikan!

“Gjunjëzohet Berisha”, thosh ndonjë gazetë e sotme lidhur me tërheqjen e KQZ-së pas presionit faqe botës që bëri ambasadori amerikan në ditën që përuroi aksionin ‘Vepro tani!”. Ndonjë gazetë tjetër e dyfishonte numrin e të gjunjëzuarëve: Gjunjëzohet Berisha e Ristani, thuhej.

E vërteta është se nënvizimi anti-KQZ i ambasadorit amerikan ka bërë punën e vet. Deri në atë moment, veprimtarët e Aleancës së ambientalistëve kanë qenë të bindur se kauza e tyre do të humbiste mes praktikave proceduriale të institucionit që “përgatit, mbikqyr, drejton dhe verifikon të gjitha aspektet që kanë të bëjnë me zgjedhjet dhe me referendumet dhe shpall rezultatet e tyre”. Por ja, u faneps një faktor providencial, me emrin Alexander Arvizu. Dy fjalë tha ky i fundit, por për Ristanët e KQZ-së që u kishin dhënë munxët miliona fjalëve të shkruara nga faktorë të tjerë lokalë ‘temporalë’, ato dy fjalë ishin mjaft.

Të vjen të thuash gjysmë me shaka, gjysmë me të qeshur: Jemi pa fat që kemi Ristanë pa hesap, por jemi me fat jemi që kemi një ambasador amerikan!

M.Nano