Amanetet ‘misterioze’ të Sabri Godos për Lulzim Bashën

Në faqe të parë të Gazetës Shqiptare ish një titull që të ndillte: Amaneti me gjashtë pika që Sabriu i la Bashës për Tiranën. Ç’të jenë këto gjashtë pika? Nuk thuhet. Ka dy faqe intervistë më të shoqen e të bijën e Godos, të cilat flasin edhe për momentet e fundit të jetës së tij, por nuk thuhet se ç’janë këto amanete. Bashkëshortja e Sabriut, Nevini, rrëfen se “në një prej ditëve të fundit, Godo kërkoi letër e stilolaps, pasi donte të shkruante gjashtë porosi se si duhet të jetë Tirana. Gazetarja Nikolli pyet për këto gjashtë pika fantomatike dhe të bijën, Ermira Godon, dhe përgjigja e saj është: “Nuk e di. Zoti Basha e di, por ai ndoshta don ta ruajë si një kujtim personal. Por besoj se në të gjitha punët e mira që Basha po bën për Tiranën, diçka [prej atyre gjashtë pikave] do ta ketë marrë parasysh.

Re.Pu.