Partia e Beppe Grillo-s del parti e parë në Itali?

Një institut italian, Swg, ka bërë një sondazh mbi orientimin e elektoratit në fqinjin tonë të përtej Adriatikut, dhe nga ky sondazh rezultojnë të dhëna befasuese. Lëvizja ‘Pesë Yjet’ e Beppe Grillo-s, komikut të famshëm të shndërruar në veprimtar politik, do dilte partia e dytë sikur zgjedhjet të mbaheshin sot. Afro 21% e italianëve do të votonin për të. Ndërsa Partia e Demokratike e majtë, e cila u bë e para pas largimit të Berlusconi-t, vijon të mbetet në vend të parë me 24% të votave. Partia Populli i Lirisë, partia e themeluar nga Berlusconi pra, ndodhet në vend të tretë me 15%. Partitë e Casini-t dhe Di Pietro-s zbrezin nën 6%.

Sikur partia e Grillo-s të mbajë këtë tendencë rritjeje, ajo do të bëhet shumë shpejt e para, dhe kështu do të kemi një tërmet të jashtëzakonshëm në skenën politike italiane. Ka një kërshëri në këtë mes: Beppe Grillo është një risi e shëndetshme, apo është një eksperiment me pasoja?

E.G.