Zëvendësoni Komunizmin me Korrupsionin

Këta mekanizma të fshehtë, apo të pathënë, veprojnë te konsensusi për korrupsionin, vjedhjen, zaptimin? Apo tani përjetojmë instaurimin e një klase? Intervista e vjetër e Kadaresë ka aktualitet sot sepse me autoritetin e shkrimtarit, intelektualit e merr në shqyrtim Diktaturën përmes gjykimit të shoqërisë. Sikurse sot Korrupsioni mund të shqyrtohet saktë vetëm nëse në prononcim do sjellim në gjykim qëndrimin e shoqërisë, një pjese të saj. Dhe këtu ndoshta jemi në regres edhe në raport me Diktaturën, pasi në fund të fundit ajo mund të gënjente në emër të një Ideje, kurse sot nuk ka më të gënjyer.