Vrasja e Aleks Nikës më 21 janar, Prokuroria merr në pyetje dëshmitarë të rinj

Pak kohë pas deklaratave të Prokurorit të Përgjithshëm se mbetet ende e pazbardhur një prej vrasjeve të protestës së 21 janarit, prokuroria e Tiranës ka marrë në pyetje dy dëshmitarë të cilët kanë qenë fare pranë viktimës Aleks Nika ditën e vrasjes se tij.

Burime pranë organit të akuzës bënë më dije se janë marrë në pyetje dy persona nga Saranda, të cilët kanë qenë pranë protestuesit, ndërkohë që dhe ata mbetën të plagosur në vendngjarje.Të njëjtat burime sqaruan se dy dëshmitarët janë marrë në pyetje, e për më tepër janë dërguar dhe përballë Kryeministrisë, në vendin ku humbi jetën i riu nga Lezha.