Tiranë, policia zbulon 10 bomba me telekomandë në një apartament, posedohej nga vrasësi me pagesë, Julian Sinani

Policia e Shtetit ka nisur një operacion të gjerë të shtrirë në rrethet kryesore të vendit për zbulimin e bazave ku prodhohen lëndët eksplozive.
Gjatë këtij operacioni policia e shtetit ka zbuluar, në Rrugën e Kavajës, në Tiranë një banesë që shërbente si bazë për prodhimin e lëndëve eksplozive. Gjatë kontrollit janë gjetur dhe sekuestruar 10 bomba me telekomandë dhe municione luftarake.
Sipas burimeve nga policia e kryeqytetit, banesa ku u gjetën lënda eksplozive dhe municionet luftarake ishte marrë me qira nga Julian Sinani, personi i arrestuar pak ditë më parë ne zonen e ‘21 Dhjetorit’, i dyshuar si vrasës me pagesë dhe i përfshirë në disa ngjarje kriminale brenda dhe jashtë Shqipërisë.
Policia pritet të japë detaje rreth këtij operacioni gjatë orëve të mbrëmjes nëpërmjet një deklarate për mediat.

Shqip