Tiranë, i zë korrenti babë e bir në Mzez, humbet jetën djali 26 vjeç.

Babë e bir kanë rënë në kontakt me rrymën elektrike në banesën e tyre, e si pasojë ka humbur jetën i riu 26-vjeçar. Ngjarja ka ndodhur rreth orës 18:30 në fshatin Mzez në Tiranë. Sokol Kaca dhe babai i tij, Sami Kaca, janë dërguar me urgjencë në spitalin e Traumës, por i riu nuk ka mundur të mbijetojë. Ndërkaq, Sami Kaca ndodhet nën kujdesin e mjekëve.

Menjëherë në vendin e ngjarjes kanë mbërritur forcat e policisë dhe po punojnë për hetimin e plotë të ngjarjes.