Sezoni turistik, kërkohet zgjidhje për furnizimin me energji

Furnizimi me energji elektrike gjatë sezonit turistik ka qenë një problem që i është parashtruar CEZ shpërndarjes në prag të verës. Gjatë një takimi të përfaqësuesve të Avokatit të Popullit, banorëve të Himarës dhe CEZ Shpërndarjes u diskutua për gjetjen e një zgjidhjeje për sezonin. Banorët janë shprehur se kërkohet një zgjidhje e shpejtë tani që rritet kërkesa. Ndërsa kryetari i Bashkisë së Himarës ka dhënë alarmin për rrezikun e njerëzve pasi linjat janë në sipërfaqe.

CEZ shpërndarja nga ana e saj është shprehur se kompania është dëmtuar shumë nga vjedhja e linjave të shpërndarjes së energjisë, dhe se policia nuk i ka zbardhur vjedhjet. Për këtë, thanë përfaqësuesit e CEZ janë ngritur 4 zyra për bashkëpunimin me njësitë vendore. Ata thanë se kanë një plan investimi për Himarën, i cili ka një fond prej 50 milionë lekësh dhe pritet të përfundojë brenda 15 majit. Albanian Screen