Lezhë, vidhet transformatori. 80 familje prej 4 ditësh pa energji

Prej katër ditësh tashmë që rreth 80 familje në Zejmen të Lezhës jetojnë në errësirë, për shkak të mungesë së energjisë elektrike. Persona ende të paidentifikuar kanë grabitur transformatorin në nënstacionin elektrik të fshatit Zejmen e për pasojë banorët vuajnë mungesën e energjisë.
 
Banorët bëjnë apel që instancat përkatëse të marrin masa për normalizimin e situatës, por deri tani asnjë nga përfaqësuesit e OSHEE-së nuk është paraqitur pranë tyre, për t’i dhënë zgjidhje këtij problemi. Ndërkohë që policia po punon për gjetjen e autorëve të grabitjes së gjeneratorit.