Greqi, sondazh: Rënie e re e PASOK, "Agimi i Artë" në Parlament

Parlament me 9 parti, përkeqësimi i mëtejshëm i mbështetjes për partitë e “mëdha”, rritje e disa partive të majta dhe mbështetje për ksenofobët e "Agimit të Artë". 

Kështu parashikohet parlamenti i ardhshëm që do të formohet pas zgjedhjeve politikë në Greqi, sipas rezultateve të sondazhit të të realizuar nga Public Issue publikuar nga “Kathimerini e së dielës”. 

Sipas këtij sondazhi “Demokracia e re” bie 3 pikë, por mbetet në vend të parë me 28 %. Në vend të dytë del “E Majta Demokratike” me 16 %, SYRIZA me 12%, që le pas PASOK, i cili barazon me KKE (komunistët) me 11%, LA.OS dhe partia ekologjike me 4%, dhe fakti më shqetësues është se racistët dhe ekstremistët e “Agimit të Artë” kanë marrë 3.5% të mbështetjes, duke lënë pas dhe jashtë parlamentit edhe “Aleanca Demokratike” të Dora Bakojanis. 

Renditja si më poshtë: 
• DR 28%. 
• E Majta Demokratike 16% 
• SYRIZA 12% 
• PASOK 11% 
• Partia Komuniste 11% 
• LAOS 4% 
• Të gjelbrit Ekologët 4% 
• Partia ekologjike 4% 
• Agimi i Artë 3.5%. 

Agimi i Artë” njihet si një organizatë ekstremiste ultra e djathtë, me prirje raciste, vecanërisht kundër emigrantëve. Anëtarët e kësaj organizate luftojnë “për një Greqi të pastër, pa të huaj”. Shpesh ata janë përleshur me policinë dhe kanë sulmuar aktivistët e majtë grekë, që mbështesin të drejtat e emigrantëve. 

Duke iu kthyer sondazhit, 52% e njerëzve nuk janë dakord me miratimin e memorandumit të ri, ndërsa 38% pajtohen. 46% e konsiderojnë mundësinë e falimentimit formal në Greqi dhe pse 10% mendojnë se vendi tashmë është falimentuar. 

Pakënaqësia ndaj qeverisë së koalicionit arrin 87%, megjithatë, 45% kanë mendim të favorshëm për kryeministrin Lukas Papadhimos, ndërsa Fotis Kouvelis (kryetari i së Majtës Demokratike), është zgjedhur si udhëheqës popullor. 

Anila Jole 

Ballkanweb.com