Cakrani kundërshton reformën territoriale, 13 kryepleqtë: Të mbetet komunë

Komuna Cakran në Fier kundërshton ndarjen e re territoriale, që pritet të votohet në seancën plenare të 31 korrikut në Kuvend.

13 fshatra të komunës kërkojnë që Cakrani të mbetet komunë, duke paralajmëruar se nuk do të marrin pjesë në zgjedhje nëse nuk merren parasysh kërkesat e tyre.

Mesditën e sotme në Fier është zhvilluar një mbledhje mes 13 kryepleqve të fshatrave, kreut të komunës dhe Këshillit të komunës Cakran, ku u diskutua lidhur me reformën e re territoriale.