Arrestohet 23-vjeçari, vrau të jatin dhe e raportoi vdekje aksidentale.

TIRANE-Një i ri 23 vjec është vënë në prangat e policisë së kryeqytetit pasi akuzohet se ka vrarë babain e tij tre ditë më parë.

Autori është Ardian Thaçi dhe ngjarja ka ndodhur më datën 12 shkurt.

Sipas burimeve nga policia, 23-vjeçari ka goditur me mjete të forta babain e tij Fatos Thaçi duke e lënë atë të vdekur në vend.

Mësohet se i riu pasi kishte vrarë të atin kishte raportuar në polici se babai i tij kishte humbur jetën aksidentalisht.

Por pas hetimeve policia arriti të vërtetojë që viktima nuk kishte vdekur aksidentalisht por ishte vrarë.