Arratia e bujshme e Drenovës mollët futën në kurth gardianët

Disa kokra mollë që mbaheshin në një qese nga i dënuari me burgim të përjetshëm Fran Marashi, janë përdorur si karem për të futur në kurth gardianët e burgut të Drenovës dhe realizuar arratisjen spektakolare të nëntorit 2013. Gazeta “Shqiptarja.com” dhe “A1 Report” zbardh të plotë vendimin e gjykatës së Korçës që ka dënuar gardianët e burgut, për akuzën e “Shpërdorimit të detyrës”. Vendimi tregon fakte interesante lidhur me detyrat që kanë pasur gardianët e burgut mbrëmjen e 23 nëntorit 2013, ku dhe u mundësua arratisja e bujshme, e Admir Tafilit, Fran Marashit, Gëzim Gurrit, Gëzim Tomës, Eduard Lulos, Reis Haxhirajt dhe Artur Gora.