“Çmendet” moti, ulen temperaturat, në veri rikthehet dëbora

 Pas disa javëve me temperatura të larta e mot të ngrohtë, rinisin reshjet e dëborës në veri të vendit. 

Dëbora ka nisur sot rreth mesditës, kryesisht në rrethin e Pukës ku trashësia e saj arrin në 3 centimetra, ndërsa jashtë qytetit arrin thuajse në 8 centimetra. 

Po kështu edhe në Tropojë, Has e Kukës, ku ka pasur herë pas here reshje bore dhe shiu. 
Nga korrespodentja e News24 në Kukës mësohet se para nisjes se reshjeve ka pasur stuhi me erë të fortë, çka ka shkaktuar dhe disa deme. 

Kalaja e Dodës, Kula dhe zonat e thella malore të qarkut të Dibrës janë përfshirë gjithashtu nga reshje bore. Ndërkohë në zonat e tjera të vendit nuk ka pasur reshje, por vetëm ulje temperaturash dhe mot i vranët.

Ballkanweb.com