Europol godet rrjetin e trafikimit të kokainës në Spanjë. Pjesë edhe diaspora shqiptare e Dubait

Garda Civile Spanjolle e mbështetur nga Europol, ka çmontuar një rrjet të gjerë të trafikut të kokainës nga Amerika Latine drejt Europës ku të përfshirë janë edhe shqiptarë. Në total janë sekuestruar 7,2 tonë kokainë dhe 6 milionë euro, në një hetim të shtrirë në disa shtete si Bullgari, Kolumbi, Kosta Rika dhe Panama. 

Anëtarët e këtij grupi dyshohet se ishin të përfshirë në marrjen dhe shpërndarjen me shumicë të kokainës në të gjithë BE-në, si dhe në pastrim parash. Goditja u koordinua nga Task Forca Operacionale e Europolit.
Hetimi i nisur në qershor 2022 zbuloi këtë rrjet të trafikut të drogës që vepronte në tre kontinente. Anëtarët e rrjetit shtetas nga Shqipëria, Bullgaria, Kolumbia dhe Spanja  organizuan trafikimin e sasive të mëdha të kokainës nga vendi i origjinës në Evropë. 

Secili prej anëtarëve kishte role të ndryshme në zinxhirin logjistik. Shtetasit kolumbianë merreshin me dërgesat nga Kolumbia në Evropë, ndërsa shtetas bullgarë, kolumbianë dhe spanjollë mbikëqyrnin marrjen dhe shpërndarjen e mëtejshme të drogës.

Ekipet e shpëtimit u fshehën në një kontejner për të hyrë fshehurazi në port dhe me ndihmën e punëtorëve të korruptuar nxorrën kokainën gjatë natës. 

Anëtarë të tjerë shqiptarë, me qendër në Dubai, kanë vepruar si investitorë. Ata siguronin financat për të paguar prodhuesit për dërgesat nga Kolumbia.  Anëtarët e rrjetit gjithashtu pastronin të ardhurat nga krimet e tyre.

Inteligjenca sugjeron se rrjeti kriminal kishte kapacitet për të marrë deri në një ton kokainë në javë. Dërgesat u kryen nëpërmjet ngarkesave ajrore dhe kontejnerëve detarë. Në tetor 2024, autoritetet kapën 4.1 ton kokainë në Panama, me destinacion Spanjënm, të lidhur me këtë rrjet. Rrjeti dyshohet se është i lidhur me konfiskimet e kokainës që arrijnë në mbi 7  tonë.

Gjithashtu, autoritetet e ligjzbatuese kanë sekuestruar edhe dy tonë kokainë në Spanjë që nga fillimi i hetimeve. 

22 arrestime në Spanjë (shtetas spanjollë dhe kolumbianë);
27 bastisje shtëpish në Barcelonë, Kadiz, Madrid, Malaga dhe Valencia;
Konfiskimet përfshijnë rreth 1 ton kokainë dhe 5 kg “tusi” (kokainë rozë), 35 automjete, përfshirë 8 makina luksoze (vlera e vlerësuar rreth 2.5 milionë euro), orë luksoze dhe stoli (me vlerë rreth 1.5 milionë euro) dhe 6.5 milionë euro cash;
48 armë, mes të cilave 5 pistoleta. 
53 llogari bankare të ngrira

Marrë nga MCN Tv