SHBA paralajmëron Iranin: Nëse sulmoni, nuk mund ta mbajmë Izraelin

SHBA-ja e ka paralajmëruar Iranin që të mos nisë një tjetër sulm ndaj Izraelit, duke theksuar se Uashingtoni nuk do të mund t’i frenojë izraelitët nëse ata sulmojnë përsëri.

Lajmin e bën të ditur Axios, duke cituar një zyrtar amerikan dhe një ish-zyrtar izraelit.

“Ne u thamë iranianëve: nuk do të jemi në gjendje ta mbajmë Izraelin dhe nuk do të jemi në gjendje të garantojmë se sulmi i ardhshëm do të jetë po aq i kalibruar dhe i shënjestruar sa ai i mëparshmi”, tha zyrtari amerikan, duke shpjeguar se mesazhi u transmetua drejtpërdrejt për iranianët, ndërsa zyrtari izraelit tha se mesazhi është përcjellë përmes zviceranëve.