Hap vendimtar drejt mbrojtjes së traditës shekullore të Urdhrit Bektashi??? Cila liri i mungoi këtij Urdhëri?

Ka reaguar sot Kryegjyshata Botërore me një deklaratë sipas së cilës i quan thashetheme ato që shkruhen në media. Në linjën e Baba Kryeministrit që e urdhëron, Kryegjyshata, përpara se të sqarojë nëse ia ka haberin asaj që po i thonë të bëjë, merret me mediat të cilat po do t’i quajë kazan.

Në intervistën e tij ekskluzive me The NewYork Times, Baba Mondi përsëriti rëndësinë e kësaj nisme, duke deklaruar: “Ky është një hap vendimtar drejt mbrojtjes së traditës shekullore të Urdhrit Bektashi të moderimit shpirtëror dhe përfshirjes fetare. Në një kohë kur ekstremizmi dhe intoleranca janë në rritje, kjo nismë siguron që vlerat tona të paqes dhe tolerancës mund të lulëzojnë në një shkallë globale.”

Pasditen e sotme do të ketë një deklaratë zyrtare në emër të Baba Mondit dhe Urdhrit Bektashi, duke dhënë detaje dhe sqarime të mëtejshme për këtë çështje. Ju lutemi vini re se çdo koment ose deklaratë tjetër që i atribuohet Urdhrit Bektashi është e rreme dhe në përputhje me rrethanat do të lëshohen tërheqje

thuhet në deklaratë.

Mesa duket për të mbrojtur Baba Mondin nga prrallisjet në media të bëra në vetë të parë nga Edmond Ibrahimaj, Kryegjyshata rend të sqarojë se është institucion serioz. Dhe imagjino çfarë krenarie: intervista në NYW ka qenë ekskluzive! Çfarë nderi! Intervistat për Report Tv dhe A2, nuk ishin ekskluzive? 

Po cila liri dhe cila hapësirë i ka munguar kësaj Kryegjyshate në ushtrimin e misionit të saj shpirtëror? Cila premisë e justifikon kalimin drejt një paçavureje që do të quhet shtet, kur këtu nuk ka shtet prej 110 vjetësh? Po si mund të besohen seriozisht këta që drejtojnë religjionin në Shqipëri?