Fasada e allvano-nacionalizmës: Ikën Beleri me vetulla, (me gjasë) vjen Vangjeli pa vetulla

Pa marrë ende vendimin KQZ-ja, pra Ilirjan Celibashi, për Fredi Belerin, Engjëll Agaçi, qehajai i kryeministrisë, ka dërguar një letër KQZ-së përmes së cilës i kërkon që të njoftohet qeveria për vendimin e marrë.

Me të njoftuar Celibashi – që nuk e dinte as vetë mirë siç edhe tha nëse ligj ia lejon apo jo heqjen e mandatit të Belerit – qehajai i dërgon një letër Bajram Begajt, presidentit të Republikës, de facto yzmeqari me vulë i dovletit.

Pa pritur ende ankimimin në KAS, pa konsideruar se mund të kemi ende shkelje proceduriale, qeveria nxiton të kërkojë shpalljen e zgjedhjeve të reja në Himarë, me gjasë që të vërë aty Vangjelin pa vetulla siç e cilësoi z. Rama, prefektin punëmbaruar të Vlorës, e për t’i thënë grekut se në vend të Belerit nga Nivica, “ua dhjeva”, u vura një dropullit.

Pra në vend të vëmë vetulla, nxjerrim sytë. Kujt i shkon kjo? Me siguri Vangjel Tavos jo, se ai nuk ka vetulla fare. As Belerit sepse nuk i heq, as Dules, se me ato vetulla edhe përkthen Perikliun. Ja ta gjejë Zografi i Tiranës, që e gjeti fasadën e re ku të shkruajë historinë e allvano-nacionalizmës.

s.zaimi