Pse duhet të paguajmë ende për AMA-n?

Janë pamje nga një show televiziv, në orarin kur të gjitha moshat janë para ekranit.

“Përputhen”, një program sa i klikuar, aq edhe i kritikuar për shkeljen e etikës, ka kaluar çdo kufi.

Ekrani i Top Channel i serviri kësaj radhe audiencës një shfaqje në kufijtë e pornografisë.

Dy personazhe në qendër që vetëm rrobat i pengojnë të kryejnë një akt seksual, moderatorja që ekzaltohet dhe të pranishmit që zgurdullojnë sytë.

Përsa kohë shfaqje të tilla i shohim në ekran në orarin më të papërshtatshëm, pse paguajmë ende për Autoritetin e Mediave Audiovizive?