Dodik dhe Vuçiç firmosin Deklaratën...mbi të Ardhmen e Përbashkët të Popullit Serb

Qeveria e Serbisë dhe ajo e Republikës Srpska kanë nënshkruar sot në Pallatin e Serbisë në Beograd, Deklaratën mbi Mbrojtjen e të Drejtave Politike dhe Kombëtare dhe të Ardhmen e Përbashkët të Popullit Serb. Sipas presidentit serb, Aleksander Vuçiç, dokumenti adreson Kosovën dhe respektimin e Rezolutës 1244 të OKB-së, pjesëmarrjen në dialog dhe zbatimin e marrëveshjeve.

Deklarata nuk përmend shpërbëjen e Federatës së Bosnje-Hercegovinës. Nuk dua të ndërhyj në vendimet tuaja, vetëm kërkoj që të mendoni 1 milionë herë rreth asaj sesa shumë ne të gjithë kemi nevojë për paqen. Serbia nuk do ta braktisë kurrë Republikën Srpska

citohet Vuçiç.

Nga ana e vet, kreu i Republikës Srpska, Milorad Dodik, ka deklaruar se dokumenti rehabiliton interesat serbe dhe përfshin të gjitha aspektet e rëndësishme të marrëdhënieve mes Serbisë dhe Republikës Srpska.