Karantina e ambasadës amerikane në Tiranë

Muajin e Historisë së Gruas, në mars, prezantojmë me krenari gra të jashtëzakonshme shqiptare që po përmirësojnë botën dhe po na frymëzojmë. Njëra prej tyre, gazetarja Anila Hoxha, ndau me ne historinë e saj të rritjes në Shqipërinë e viteve 1990 dhe na tregon se si tejkaloi sfidat si një grua që punon në një fushë ku mbizotërojnë meshkujt. Dëgjoni historinë e saj dhe këshillat për vajzat dhe gratë në këtë video

Kështu shkruan ambasada amerikane që mes të tjerave përfshin në listën e grave që frymëzojnë përmirësojnë botën edhe Musine Kokalarin. 

Këta të ambasadës amerikane ja kalojnë z. Rama me këtë arrogancën për t’i thënë botës: ja çfarë të frymëzon ty. Për të na thënë neve se Musineja dhe Anila të frymëzojnë.

Patjetër që edhe Anila mund të hyjë në tekstet e shkollave e ata që vijnë pas të lexojnë e të frymëzohen. Sepse kështu deshi ambasada amerikane në Tiranë, që përfaqëson një vatër të pambyllur sëmundjesh sociale në këtë vend. 
Nuk mbetën njerëzia të mësojnë nga diplomatët e një ambasade se nga kush do të frymëzohen. Në rastin konkret sepse një pjesë e madhe Musinenë dhe veprën e saj nuk e njohin dhe në rastin e gazetares, sepse njohin gazetarinë e këtyre viteve.

Një gazetari e mjerë, mbushur me injorancë, delirantë e zhurmues që është ndër përgjegjëset e klimës toksike në Shqipëri. Ata që punojnë në media e dinë se cila është klima dhe se në të vërtetë kjo bota maskiliste dhe paragjykuese aty nuk ekziston. Jo aq sa të prodhojë prototipë frymëzimi. 

Ambasada amerikane mund ta karantinojë veten me heronjtë që do, por nuk ka pse ata heronj të kalojnë si historia jonë. Sepse kështu po ja kalojmë edhe 28 mijë dëshmorëve të PPSh-së.

Ne mjafton të shohim se kush janë njerëzit e ambasadës që farkëtojnë karriera në media, se cilët gazetarë promovohen dhe financohen për ta kuptuar se çfarë ndodh. Dhe që këtej nuk ka pse të çuditet kush që ato që dikur Arvzu i quajti celula anti-amerikanizmi të shndërrohen në frymë. Se e thënë shqip: na kanë çara tajaren me hipokrizinë, servilët dhe papagajtë që kanë në rresht, si dhe aftësinë për ta ndotur çdo gjë që ka një vlerë në këtë vend. 

s.zaimi