Ku lind dëshira seksuale

Një qark i vetëm i trurit mund të jetë përgjegjës për dëshirën seksuale të mashkullit, raporton një studim i ri mbi minjtë.

Studiuesit kanë veçuar te minjtë një rajon të trurit që kontrollon interesin seksual, epshin, sjelljen e çiftëzimit dhe kënaqësinë.

Ky rajon përdor të dhëna ndijore nga mjedisi për të dalluar gjininë e një miu tjetër.

"Kjo njohje më pas transformohet në dëshirën për t'u çiftuar dhe në aktin e çiftëzimit nga ky qark," shtoi ai. "Gjithashtu, qarku mundëson që sjellja të jetë e këndshme, kështu që kafshët do të kërkojnë ta bëjnë atë përsëri, gjë që është shumë e rëndësishme, sepse që një specie të mbijetojë, kafshët duhet të riprodhohen", shpjegon dr. Nirao Shah, një profesor i psikiatrisë dhe neurobiologjisë në Shkollën e Mjekësisë të Universitetit Stanford, në Kaliforni.

Shah thotë se struktura të ngjashme të trurit janë gjetur te gjitarët e tjerë – dhe ndoshta edhe te njerëzit.

Puna e mëparshme e studiuesve ka zbuluar se mund të aktivizohej dhe çaktivizohej njohja e një miu femër të panjohur nga minjtë duke manipuluar neuronet që komunikojnë me POA nga amigdala, e cila është selia e emocioneve njerëzore.

Sinjalet specifike vinin nga një pjesë e amigdalës, i njohr me akronimin POA.

“Në parim, këto tre aspekte të sjelljes seksuale – akti i çiftëzimit, vetë akti fizik, dëshira për t’u çiftuar dhe kënaqësia që e shoqëron atë – ato mund të mishërohen në rajone të ndryshme të trurit”, shtoi ai. "Por ajo që kemi gjetur është se POA i ka këto atribute."

Në këtë studim të ri, studiuesit vunë në dukje një grup të vogël neuronesh BNST të dallueshme gjenetikisht që sekretojnë një proteinë sinjalizuese me veprim të ngadaltë, ose peptid, të quajtur Substanca P.

Ata zbuluan se një grup tjetër i neuronesh në POA mbanin receptorë për substancën P, duke formuar në thelb një lidhje me neuronet BNST.

Studiuesit po punojnë paralelisht të gjejë qarqe ekuivalente të trurit tek femrat.

Studimi i ri u publikua në në revistën Cell.