Turqia nis zyrtarisht përgatitjen ndaj tërmeteve të parashikuar se do ndodhin në Stamboll

Autoritetet turke kanë nisur të planifikojnë reagimin ndaj ngjarjeve sizmike shkatërrimtare që janë parashikuar të ndodhin në rajonin e Stambollit, që ndodhet në bashkimin e pllakës anatoliane me atë euroaziatike. Ministri për Mjedisin dhe Urbanizimin, Mehmet Ozhaseki, ka njoftuar zhvillimin e një takimi me kryebashkiakun Ekrem Immamoglu dhe krerët e distrikteve bashkiake, për të diskutuar mbi nevojën e koordinimit.

Reagimi lidhet jo vetëm me tërmetin shkatërrimtar të shkurtit që preku  edhe Sirinë dhe provokoi dhjetëra-mijëra të vdekur, por edhe me parashikimet e bëra së fundmi nga ekspertë turq. Më 12 korrik, sizmologu turk, Naci Gorur, parashikoi lëkundje me magnitudë 7.2-7.6 në detin Marmara që ndodhet afër Stambollit, një qytet me 17 milionë banorë.

Sipas parashikimeve të ekspertëve një tërmet i tillë do të provokonte rrëzimin e 90 mijë objekteve njëkohësisht, ndërkohë që 260 000 të tjera do të pësojnë dëmtime, apo do të bëhen të pabanueshme. Një skenar i tillë presupozon se 4.5 milionë banorë do të kenë nevojë për strehim.

Hera e fundit kur Stambolli u godit nga një tërmet i fuqishëm ishte në vitin 1999, me magnitudë 7.6, që shkaktoi 17 200 të vdekur zyrtarisht.