Çfarë ruajnë këta flamuj këtu?

Serbët janë përballë godinave të bashkive në veriun e Kosovës për të dhjetën ditë

Ja një titull që vjen si vargu i radhës për «Stara Srbia» në median B92. Media e cila në çdo shkrim kujdeset të nënvizojë termin “e ashjtuquajtura Kosovë”, mandej Kosova dhe Metohija e tani në titull Kosovo/a.

Po çfarë bëjnë këta serbë aty? Çfarë ruajnë? Çfarë presin të marrin? Çfarë u kanë marrë? Askush nuk di ta thotë. Komunat janë të tyret, sepse sistemi demokratik sugjeron një gjë të tillë. Në votimin e parë të mundshëm, komunat kalojnë nën administrim të serbëve, nëse do të votojnë kështu. Pse shërbehet atëherë ky inskenim i një fronti që nuk ekziston? Dhe pse mbështetet kjo gjë në disa zyra?

Ka vetëm një shpjegim: ka aktorë që interesohen që vatra krize të mbeten të pazgjidhura, sikundër Serbisë i intereson një gjë e tillë. Në momentin që kryebashkiakët do jenë vetëm të tillë, siç propozon kufizimi me forcë i çdo manovre tjetër ata nuk do të kenë më mundësi të pasurojnë axhendën e Serbisë me argumente sterile si kjo e sakrificës në Kosovë.

Nuk është vetëm një gënjeshtër e trashë, është edhe një sjellje burracake dhe e shëmtuar që nuk vlen të mbahet si temë diskutimi më. Le ta mbajë Tirana po të dojë, po kush e pyet pocaqinë për gjëra të tilla!