Pasi u shpenzuan miliarda, ministri francez i Financave: Kemi shkuar shumë larg me konsulentët

Ministri francez i Financave, Bruno Le Maire ka pranuar së fundmi se politika e Francës ka shkuar shumë larg me bashkëpunimin me konsulentët. Në një intervistë për France 3, ai ka bërë përgjegjëse të gjitha qeveritë që kanë shpenzuar miliarda për konsultime që janë paguar me kontrata të ndryshme.

McKinsey, Accenture, BCG, Citwell dhe Capgemini kanë ardhur duke luajtur “një rol gjigand në politikën franceze” qëkurse në pushtet erdhi Emmanuel Macron.

Deklaratat vijnë në kontekstin e akuzave për financimet e dhëna gjatë fushatës elektorale për presidentin aktual, ndërkohë që një kompani si McKinsey, ndonëse më e madhja në sektorin në fjalë, është akuzuar gjerësisht për mungesë transparence dhe llogaridhënieje. Gazetarë të “The Washington Post” kanë publikuar një libër me prova kundër saj, diccka që rivendos në dritë tjetër gjigandë të tillë.