Franca do të duhet të zgjedhë sërish mes Macron dhe Le Pen

Asgjë nuk është vendosur ende, ajo që do të ndodhë në pesëmbëdhjetë ditët e ardhshme është vendimtare për Francën dhe për Evropën.

Emmanuel Macron doli i pari në raundin e parë të zgjedhjeve presidenciale. Ai do të shkojë në raundin e dytë me kandidaten e ekstremit të djathtë, Marine Le Pen.

Macron mori 4% më shumë vota sesa kur u zgjodh në 2017-ën dhe e mbajti në rivalen Le Pen. Por gjithçka mund të vihet në pikëpyetje brenda 15 ditësh dhe nëse presidenti aktual - me 28.4% kundrejt 23.4% të kundërshtares - mund të mbështetet në votat e një pjese të mirë të së djathtës dhe të majtës, përllogaritjet e analistëve thonë se për Marine Le Pen do të mbledhë të paktën 7% më shumë vota sesa mori në sfidën e 5 viteve më parë: ato të Eric Zemmour, i cili sonte u kërkoi mbështetësve të saj të votonin për të. Megjithatë, sondazhet e shohin Macron fitues. Sipas një studimi të Ipsos Sopra Steria për “Le Parisien”, ai do të rikonfirmohet në Elysee me 54% të votave.

E majta e moderuar, e udhëhequr nga Partia Socialiste, kandidatja e së cilës, Anne Hidalgo, është kryebashkiaja e Parisit, mbeti në 2%. Nga ana tjetër bie në sy triumfi popullor i Jean-Luc Mélenchon, i së majtës radikale, i cili u ngjit me mbi 20% për herë të parë në vendin e tretë. Votat e tij llogaritet se do të shkojnë për Macron në raundin tjetër.

"As një votë nuk duhet t'i shkojë Marine Le Penit!", tha ai pas shpalljes së rezultateve.