I akuzuar zyrtarisht se donte të vriste Aleksandër Vuçiç

Ministri i Brendshëm serb Aleksandar Vulin, ka deklaruar se shërbimet sekrete kanë marrë informacione për përgatitjen e një tentative për vrasjen e presidentit, Aleksander Vuçiç. 

Më 14 janar ne morëm infomacion përmes Europolit, nën etiketimin “urgjent” nga një shtet anëtar i BE-së. U informuam për ekzistencën e një grupi të organizuar kriminal synimi i të cilit është vrasja e presidentit të Republikës. Pas informacioneve fillestare, nisi një aksion intensiv për të përcaktuar identitetin e të gjithë anëtarëve të kësaj organizate dhe u zbulua se Radoje Zvicer, një nga liderët e klanit Kavaç, ishte koka e tij

citojnë Vulin, mediat serbe. 

Ministri ka shtuar se mbetet e panjohur nëse Zvicer ka marrë urdhër për vrasjen, apo ka vendosur vetë për një gjë të tillë. Raportimi i një informacioni të tillë pason disa qëndrime publike të forta të Vuçiç kundër dy klaneve malazeze që supozohet se kontrollojnë trafiqet në Serbi.