Greqi, Agimi i Artë shpallet organizatë kriminale

Agimi i Artë është që nga sot një organizatë kriminale. Këtë ka vendosur një gjykatë greke pas një gjykimi prej 5 vjetësh sipas të cilës edhe drejtuesit kryesorë të saj përfshihen në akuzën e drejtimit të një organizate kriminale.

Në proces janë gjykuar 68 persona, mes të cilëve 18 ish-deputetë për katër akuza: vrasja me thikë e këngëtarit Pavlos Fyssas, sulmi mbi emigrantë, sulmi mbi aktivistë të së majtës dhe akuza për struturim kriminal.

Gjykata gjeti fajtori Giorgios Roupakias, vrasësi i Fyssas, ndërkohë që kreu i partisë, Michaloliakos dhe 17 ish-deputetë u dënuan me 10 vjet burg për drejtim të një organiuzate kriminale.

Seanca është shoqëruar me protesta dhe masa të forta sigurie të garantuara nga 2000 policë.