Betohet qeveria e re e Kosovës. Kryeministri Hoti flet për marrëveshje me Serbinë

Qeveria e Avdullah Hotit ka marrë sot miratimin e Kuvendit të Kosovës para të cilit ka bërë edhe betimin. 

Do t’i shërbejmë popullit në këtë kohë pandemie, do të respektojmë kushtetutën dhe ligjet e Kosovës

u shpreh kryeministri i ri, Hoti.

Vetëvendosja e ka bojkotuar seancën plenare, në të cilën qeveria mori 61 vota pro, 24 kundër dhe një abstenim. Në fjalën e vet kryeministri i ri ka bërë këtë deklaratë lidhur me çështjen e ndjeshme të dialogut me Serbinë:

Dialogu mes Kosovës dhe Serbisë për arritjen e marrëveshjes përfundimtare është interes jetik i Kosovës. Autoritetet do ta respektojnë në plotni kushtetutën gjatë bisedimeve. Dialogu do të ketë objektiva të qarta për çështjet që duhet të dialogohen dhe do të jemi transparent. Marrëveshja do të bazohet në mënyrë reciproke mes Kosovës dhe Serbisë. Do të mundësohet anëtarësimi i Kosovës në OKB e drejt BE-së. Ky dialog kërkon bashkërenditje dhe unitet mes institucioneve. Në dialog duhet të jemi të gjithë së bashku, sepse është në interes të të gjithëve. Së bashku duhet të jemi edhe në Kuvend ku do të bëhet ratifikimi i dialogut. Opozita duhet të ketë rol udhëheqës

Qeveria e re drejtohet nga Lidhja Demokratike e Kosovës me partner AAK-në, Nisma-AKR dhe komunitetet joshumicë. Vendimi i Kuvendit erdhi pasi Gjykata Kushtetuese vendosi që mandatimi prej Presidenti Hashim Thaçi i Avdullah Hotit është brenda normave kushtetuese. Qeveria e Hotit do të ketë këtë përbërje:

Avdullah Hoti – Kryeministër

Besnik Tahiri – zv.km i parë

Driton Selmanaj – zëvendëskryeministër

Albulena Balaj – zëvendëskryeministre

Goran Rakiq -zv.kryeministër dhe ministër i Pushtetit Lokal

Hykmete Bajrami – Ministre e Financave

Besian Mustafa – Ministër i Zhvillimit Rural

Vlora Dumoshi – Ministre e Kulturës, Rinisë dhe Sportit

Anton Quni – Ministër i Mbrojtjes

Arban Abrashi – Ministër i Infrastrukturës

Agim Veliu - Ministër i Punëve të Brendshme

Armend Zemaj – Ministër i Shëndetësisë

Selimi Selimi – Ministër i Drejtësisë

Blerim Kuqi – Ministër i Ambientit

Meliza Haradinaj - Ministre e Punëve të Jashtme dhe Drejtësisë

Ramë Likaj -Ministër i Arsimit dhe Shkencës

Skënder Reçica – Ministër i Punës dhe Mirëqenies Sociale

Vesel Krasniqi - Ministër i Tregtisë dhe Industrisë

Dalivor Jevtiq - Ministër për Komunitete dhe kthim

Enis Kercan - ministër i Zhvillimit Rajonal