Vdes kryeagjenti i Mosadit

Vdiq në moshën 92 vjeçare, Rafi Eitan, agjent veteran i Mossad-it, i cili udhëhoqi operacionin për rrëmbimin e ish-arkitektit nazist të Holokaustit, Adolf Eichmann.  Eitan kishte luajtur një rol të rëndësishëm në vitet e para të shërbimeve të inteligjencës izraelite.

Në vitin 1960 ai u vu në krye të operacionit të Mosad  që vuri në pranga Adolf Eichmann, i cili jetonte në Argjentinë nën një identitet të rremë. Eichmann u gjykua në Izrael dhe u dënua me vdekje në vitin 1961.

"Ne kemi humbur një luftëtar trim, kontributi i të cilit për sigurinë e Izraelit do të mësohen nga brezat e ardhshëm"-tha Presidenti izraelit, Reouven Rivlin. Po ashtu agjenti ishte i përfshirë në planifikimin dhe ekzekutimin e sulmit në reaktorin bërthamor irakian, Osirak.