Qeveria nderhyn me akt normativ në Ligjin e Sigurimeve

Shfuqizimi nga Gjykata Kushtetuese i nenit 4 në  të ligjit “Për  mbledhjen  e  kontributeve  të  detyrueshme  të  sigurimeve  shoqërore  dhe  shëndetësore”  të vitit 2015 detyron qeverinë të ndërhyjë me një akt normativ për të përmbushur vakumin e krijuar.

Akti normativ i qeverisë riktheu në një farë mënyrë nenin 9 të ligjit të hartuar në 2003. Ky nen ishte ndryshuar në vitin 2015 me nismë të qeverisë, por u shfuqizua nga Gjykata Kushtetuese në nëntor të vitit të kaluar, duke rrëzuar edhe nenin 9 të ligjit të mëparshëm.

Shtesa që bie në sy dhe që nuk ka të bëjë shumë me nenin që është shfuqizuar  është pika 3 e nenit 6 ku thuthet se “Personi  i  vetëpunësuar është  përgjegjës  për  pagesën  e  kontributit  edhe  për punonjësit e papaguar të familjes”. Sipas relacionit, nevoja  dhe  urgjenca e  këtij  akti  argumentohen  me  faktin  se aktualisht  nuk  ka  dispozita  në  fuqi  që  të  përcaktojnë  pagën  mbi  të  cilën  të  vetëpunësuarit  e  çdo  lloji. Ndërkohë që për çdo subjekt tjetër punëdhënës me punëmarrës jepet përcaktim për nivelin e pagës mbi të cilën paguhen kontributet.

Akti normativ parashikon  që kontributet  e  detyrueshme  të  sigurimeve  shoqërore për  personin  e  vetëpunësuar llogariten si  përqindje mbi  një  pagë bruto, jo  më  të  ul ët    se  paga  minimale  në  shkallë  vendi  dhe  jo  më  të  lartë  se  paga  maksimale, ndërsa  kontributet  e  dety rueshme  të  sigurimeve  shoqërore pёr punonjësin  e   papaguar të familjes llogariten mbi pagën minimale. Po ashtu parashikohet që kontributet  e  detyr ueshme  të  sigurimit  shëndetësor për  personin  e   vetëpunësuar,  përfshirë  punonjësin  e  papaguar  të  familjes,  llogariten  sipas  nivelit  të  parashikuar  si  përqindje mbi dyfishin e pagës minimale.