Skandal, polici i vrarë ishte i pasiguruar

Oficeri i policisë Ardian Kodra i cili humbi jetën në detyrë tri ditë më parë në Lezhë ishte i pasiguruar. Nëse do të kishte qenë i siguruar, familja e tij do të kishte përfituar 70 milionë lekë të vjetra, plus përfitimeve të tjera për trajtimin material të policëve.
Drejtori i Sindikatës së policëve Sadetin Fishta tha se që të tre familjet e efektivëve të rënë në detyrë brenda dy viteve nuk kanë asnjë përfitim për shkak se qeveria nuk ka nxjerrë rreth 14 akte nënligjore që vendosin në funksion nenet e ligjit të ri të policëve.