A gënjen ministrja Kumbaro për testamentin e Ibrahim Kodrës? (Video)
Ministrja e Kulturës Mirela Kumbaro u pyet në Komisionin e Jashtëm për vendimin që parashikon zhvendosjesne eshtrave të piktorit Ibrahim Kodra nga Ishmi dhe rivarrimin në kodrat e Liqenit Artificial në Tiranë.
Kumbaro u tha deputetëve se zotëron aktin noterial, në të cilin, sipas saj piktori i njohur shqiptar shprehte vullnetin që të prehet në një vend në Durrës ose në Tiranë. Por Televizioni Klan që ka zbardhur testamentin thotë se ministrja Kumbaro gënjen pasi në asnjë rresht të testamentit , piktori nuk shpreh vullnetin për vendin ku do të donte të prehej.
Edhe piktori Gazmend Leka mohon të ketë një dëshirë të shprehur në testamentin noterial të Ibrahim Kodrës, por thotë se gojarisht ai kishte shprehur dëshirën të varrosej në kodrat e vendlindjes në Ishëm.Kërkesa për zhvendosjen e eshtrave të Ibrahim Kodrës sipas Ministrisë së Kulturës është bërë nga Behgjet Pacolli, kryetar i Fondacionit “Ibrahim Kodra”.
Add new comment