PPP-ja për gjurmimin e TVSh-së, zv.drejtori i Tatimeve: “Mënyrë efikase kundër evazionit”

Zv.Drejtori i Tatimeve, Xhavit Curri, shpjegon në një intervistë për “Tema TV” arsyet se përse qeveria mori në konsideratë propozimin e një kompanie private për krijmin e një platforme dixhitale për gjurmimin e Tatimit mbi Vlerën e Shtuar. Curri hedh poshtë zërat se DPT-ja nuk ka bërë studim fizibiliteti dhe shton se arsye kryesore është pikërisht lufta kundër evazionit. “Ky është një hap cilësor që është i kërkuar edhe nga BE-ja, pasi ne jemi një vend që aspirojmë të aderojmë në BE dhe kjo është një kërkesë që herët a vonë ne do të duhet ta plotësojmë”, deklaron ai.